თედო რაზიკაშვილი მრავალმხრივ გამორჩეული მოღვაწეა. იგი გახლდათ პროზაიკოსი, პოეტი, ფოლკლორისტი და პედაგოგი. ყველასათვის ცნობილი და პოპულარული „ქართული ხალხური ზღაპრების“ ორტომეული სწორედ თედო რაზიკაშვილის მიერ შეგროვებული ზეპირსიტყვიერების ნიმუშებისგან შედგება. თუმცა ის უმთავრესად მაინც საბავშვო მწერალია. ამ კრებულში შესულია თედო რაზიკაშვილის რჩეული მოთხრობები: „ფითრი“, მონადირე“, „მოარული ქუდი“, „მიხო და მწვანე კალია“ „ბუს ფეხი“, „სანთელი“ , „ქორის ბახალა“, „ძაღლის ჭკუა“ და სხვები. მწერალი მსუბუქი და ხატოვანი ენით აწვდის ბავშვს ცოდნას ბუნების მოვლენების, ცხოველებისა და ფრინველების შესახებ. მისი მოთხრობები მდიდარი ფანტაზიით, უშუალობითა და გულწრფელობით გამოირჩევა.