***(ცოცხალი არის ირგვლივ ყოველი)
ცოცხალი არის ირგვლივ ყოველი
და მიხარია, რომ ვარ ცოცხალი,
მკვდრეთით აღდგომას ყველა მოელის
და უკვდავების არსებობს წყალი.
ცოცხალი არის ირგვლივ ყოველი
და ყველა საგანს უფეთქავს გული
და მზე ზეიმობს ჩრდილთა მთოველი,
გაღიმებული, გამარჯვებული.
ცოცხალი არის ირგვლივ ყოველი
და იფანტება მთვარისგან ბინდი
და სიხარულის ცრემლით სოველი
რტოს უქნევს ქარებს ყვავილა შინდი.
ცოცხალი არის ირგვლივ ყოველი,
აღარ არსებობს სიკვდილი, არა
და მზე, ვით ხარი ღრუბელთ მძოველი
უკვდავების კარს გადაეფარა.
ცოცხალი არის ირგვლივ ყოველი
და გვამოძრავებს სიცოცხლის ძალა
და სასუფეველს ყველა მოველით,
ვისთვისაც ჩვენს ღმერთს მუდამ ეცალა.
ჩუქება
