"ლამარას წერილები ანუ კომუნიზმის აღსასრული” მოგვითხრობს ერთი გერმანულ-ქართული ოჯახის ამბავს, რომლის წევრებიც 1984-1996 წლებში თბილისსა, ბერლინსა და ჰაიდელბერგში არიან გაფანტულები. ჰელგა კურცხალიას რომანის გმირი არის უჩვეულოდ ძლიერი ქალი, ლამარა რომელიც მასა და მის ნათესავებს შორის ყოველდღიურად მზარდ სულიერ გაუცხოებას თუ ფიზიკურად არსებულ მანძილსა და სიშორეს იუმორით, ფატალიზმით და ოპტიმიზმით სავსე, გერმანიიდან მათთვის გაგზავნილი წერილებით ებრძვის. ეს არის მწერლის ერთგვარი მიგნება, რაც გერმანელ მკითხველს არა მხოლოდ თბილისის გაცნობის, არამედ “უცხო თვალით” დანახული გერმანიის ხილვის საშუალებასაც აძლევს.