რუსი მწერლების, ძმების ‒ ბორის და არკადი სტრუგაცკების რომანი „ძნელია ღმერთობა“ ‒ სამეცნიერო ფანტასტიკის ჟანრის ნაწარმოებია. ის XX საუკუნის 60-იან წლებში დაიწერა და ალბათ მაშინდელი მკაცრი ცენზურაც გამოიარა. მიუხედავად ამისა, ესაა რომანი, რომელშიც დღესაც კი, კომუნისტური მმართველობის დანგრევიდან ამდენი წლის შემდეგ, იოლად დაინახავთ საბჭოთა რეჟიმის „უწმინდურობასა და სიდამპლეს“, რასაც ალეგორიულად, საოცარი ოსტატობით აღწერენ ავტორები.