კაცი, რომელიც სჭირდება ქალაქს...
სწორედ ასეთი კაცი გახლავთ მიხეილ ქვლივიძე.
პოეტებით განებივრებულ საქართველოში ბატონ მიშას განსაკუთრებული ადგილი უკავია. რაში მდგომარეობს მისი განსაკუთრებულობა?! უპირველეს ყოვლისა ის მხრებგაშლილი, ცო-დვების გარეშე დააბიჯებს დედამიწაზე; სხვათა ლექსებში თუ ძალუმად იგრძნობა სხვა-დასხვაგვარ ლექსიკონებში ამოკენკილი, მოსაჩვენებლად დამაფიქრებელი სიტყვა, თუ ფრაზა, მისი სტრიქონები ისევე ლაღი, უბრალო და გასაგებია, როგორც ფიროსმანის ნახა-ტები, კლასიკას რომ ვუწოდებთ სწორედ ისეთი; კლასიკაა სწორედ ის გადამდები გაწყობი-ლებაც, რასაც ქვლივიძისეული სტრიქონი, თუ სტრიქონებს შორის აღქმული აურა ახე-რხებს მკითხველში; ზოგჯერ კი ისეთი დოზითაც კი, გაგკაწრავს კიდეც; საზღვარგარეთ მრავალწლის განმავლობაში ცხოვრებამ (რასაც თავისი ობიექტური საფუძველი ჰქონდა), მიშა ქვლივიძის ცხოვრებასა და შემოქმედებაში მამულზე ფიქრი პირველი რიგის ამოცანად და-ტოვა, მას ერთი წუთითაც არ უღალატია სამშობლოსათვის. ჭეშმარიტ პოეტს ვერც უნდა ეღა-ლატა. მისი პოეზიის კვერთხი შეეხო როგორც საქართველოს ავ-კარგს, ისე მიჯნურობას, მამა-შვილობას, დედმამიშვილობას, მეგობრობის ბრწყინვალე ფენომენს, ხანაც ლირიკულ განწყო-ბაზე მყოფმა მკითხველს გაანდო თავისი საწუხარი... მოკლედ ყველაფერს, რასაც პოეზია იტევს და ვერ იტევს.
ძვირფასო მკითხველო! წინამდებარე ლექსთა კრებულში ძირითადად თავმოყრილია ბოლო ათი წლის მანძილზე, ოდნავ განსხვავებული ხედვითა და ინტონაციით გადმოცემული ლექსები, ზო-გიც, გულმა არ მოგვითმინა და ძველიც შევიტანეთ. მოკლედ, შეფასება თქვენთვის მოგვინდვია პოეზიისა კაცის, რომელიც სჭირდება ქალაქს.
აკაკი სიხარულიძე – საქართველოს ჟურნალისტთა ფედერაციის თავმჯდომარე.
/ეპიგრაფის მაგიერ/