ბოლო დროის ყველაზე გახმაურებული პიარ სახელმძღავნელო, რომელსაც ანალოგი არ აქვს ქართულ ენაზე! ელ.წიგნი დაყოფილია ხუთ ნაწილად. ის ეხმარება სტუდენტებს ჩასწვდნენ ძირითად ცნებებს, სტრატეგიებსა და ტაქტიკას, რომლებიც საზოგადოებასთან თანამედროვე ურთიერთობაში გამოიყენება. მეცნიერულ მეთოდებზე დაფუძნებული ეს გამოცემა განსაკუთრებულ ყურადღებას აპყრობს ახალი ტექნოლოგიებისა და ახალი მედიის შემოქმედებითად გამოყენებას. წიგნის მეორე ნაწილი შედგება ოთხი თავისგან, რომელიც ერთ მთლიანობას ქმნის. მას თანმიმდევრულად, ნაბიჯ-ნაბიჯ შეჰყავს სტუდენტები საზოგადოებასთან ურთიერთობის ფართო პროგრამაში – კვლევაში, დაგეგმვაში, კომუნიკაციასა და შეფასებაში. ამგვარად, სტუდენტს უყალიბდება პარადიგმის ღრმა გაგება, იგი საზოგადოებასთან ურთიერთობას აფასებს, როგორც მრავალსვლიან პროცესს. ამ პროცესის ახსნის მიზნით წიგნის ეს თავი თანმიმდევრულად მიჰყვება რამდენიმე ორგანიზაციის პროგრამას – კონცეფციიდან შეფასებამდე. მე-5 თავი განიხილავს პირველ არსებით ნაბიჯს: კვლევას. სტუდენტებს ვთავაზობთ თვისებრივი და რაოდენობრივი კვლევების განსხვავებულ დონეებს და ვასწავლით საბაზისო კითხვარის აგებას და რესპონდენტების მიწვდომასა და შერჩევას. მე-6 თავი განიხილავს პროგრამულ დაგეგმვას და გარემოთი განპირობებულ მიზნებსა და ამოცანებს საზოგადოებასთან ურთიერთობის პროგრამისათვის. იგი მოიცავს ასევე საზოგადოებასთან ურთიერთობის გეგმის რვა არსებით ნაწილს, სამიზნე აუდოტორიის განსაზღვრის შესახებ ინფორმაციის, ბიუჯეტის შექმნის, სამუშაო გრაფიკის აგებისა და ძალისხმევის შეფასების ჩათვლით. მე-7 თავი მიმოიხილავს ძირითად საკომუნიკაციო თეორიებს: როგორ იყენებენ ისინი სხვადასხვა ტექნიკას, რათა ყველაფერი შესრულდეს – დაწყებული შეტყობინების შინაარსში ადამიანების გაცნობიერებით და დამთავრებული ადამიანების ქცევის რეალური ცვლილებით, რაც გამოხატული იქნება მათი მოსაზრებების შეცვლით ან პროდუქციის შესყიდვით. მე-8 თავი განიხილავს გაზომვის სხვადასხვა მეთოდის დადებით და უარყოფით, ძლიერ და სუსტ მხარეებს და განმარტავს სხვადასხვა ტექნიკას, რომელთა გამოყენებითაც იზომება შეტყობინების გავლენის ქვეშ ადამიანთა მოქცევა, აუდიტორიის გაცნობიერებულობა, აუდიტორიის დამოკიდებულებები და მისი ქცევები.