უთაურმა ბიჭმა კახამ, რომელსაც თავის გამოჩენა სურს, მწვერვალის დაპყრობა განიზრახა. ამ ახირებას ფათერაკებით სავსე თავგადასავალი მოჰყვა. გამოუცდელობა და თავნებობა მას სახიფათო და სასაცილო მდგომარეობაში აგდებს. მრავალფეროვანი და საინტერესოა კახას ირგვლივ გამოკვეთილი ადამიანები, ოჯახში: დედა, ბებია, მამინაცვალი. სკოლაში თანატოლები და „ბოროტების რისხვის“ წევრები. კახას სახეცვლილება, ზარმაცი და ბაქია ბიჭის გადაქცევა სწავლის და წიგნის მოყვარულ ახალგაზრდად გვაფიქრებინებს, რომ კეთილშობილური მიზნები და მისწრაფებები ადამიანის შესაძლებლობებს განუზომელს ხდის.