ქეთევან შენგელიას მძაფრი და ნატიფი ლირიზმით აღბეჭდილი ლექსები წარმოადგენს ერთ-ერთ საყურადღებო მოვლენას ჩვენს მწერლობაში. პოეტი ისე ლაღად, ისე თავისუფლად წერს, თითქოს ყვავილებს წყალს უსხამდეს. გულისხმიერი მკითხველი ამ ლექსებში საინტერესო სამყაროს აღმოაჩენს, ერთი შეხედვით, მშვიდსა და ჩვეულებრივს და თანდათანობით არა მარტო შეეჩვევა, არამედ ჩაწვდება კიდეც ამ სიმშვიდისა და ჩვეულებრივობის აზრსა და მნიშვნელობას.