რა იგულისხმება ცნებაში „ქართული პოსტმოდერნიზმი“? აქვს თუ არა მას რაიმე საერთო დასავლურ პოსტმოდერნიზმთან? რატომაა შესაძლებელი „პოსტმოდერნისტული“ ვუწოდოთ იმ მსოფლგანცდას, რომელიც XX საუკუნის 90-იანი წლების ქართულ მწერლობაში გამომჟღავნდა? რამ გამოიწვია ჩვენში ამ მსოფლგანცდის გაჩენა? როგორ რეალიზდება იგი მწერლობაში? აი, პრობლემათა ის ძირითადი წრე, რომელიც წინამდებარე წიგნში შესულ სხვადასხვა ავტორების ტექსტებზე სხვადასხვა დროს დაწერილ ლიტერატურულ-კრიტიკულ ესეებს აერთიანებს.