მიხეილ ანთაძის „სიცილია გვალვაში“ კლასიკური ტიპის რომანია, სადაც შემეცნება, აზრი, ინტელექტი, ცნობისმოყვარეობასა და თამაშთან ერთად უცნაურ, მოულოდნელ, მაგრამ აუცილებელ სიმბიოზსა თუ სინთეზს ქმნის. ამ გრანდ-ოპუსის გაცნობით ბევრ რამეს გაიგებთ, მიხვდებით და დიდ სიამოვნებასაც მიიღებთ. რომენი ყოფიერებასთან უსერიოზულესი თამაშია და ამ აზრით იგი აგრძელებს არა მარტო ქართული კლასიკური რომანის ტრადიციებს, არამედ იმავდროულად ევროპული ნარატიული ხელოვნების ღვიძლი შვილიცაა. თქვენ აქ შეხვდებით კლასიკურ ტიპაჟებს, როგორებიც არიან ლუიჯი პირანდელო, დონ ბიბი სირაკუზა და კარდინალი მიქელე საკი. გაეცნობით ერთი შეხედვით უმნიშვნელო და შემთხვევით პერსონაჟებსაც. რომანის მთავარი გმირები (განსაკუთრებით დონ ბიბი სირაკუზა და კარდინალი საკი) ცდილობენ დანარჩენებზე გავლენის მოხდენას ისე, რომ მათ გარკვეული ქმედებისკენ უბიძგონ. სიუჟეტური ხაზის მძაფრი და დრამატული განვითარება, შინაგანად დაძაბული და მრავლიმთქმელი დიალოგები, არაცნობიერის ძალუმი გამოვლინება, ისტორიულ-ფსიქოლოგიური სინამდვილისა და სიმართლის შეგრძნება მკითხველს მთელი რომანის მანძილზე გასდევს. სიუჟეტის თითქოსდა ყველაზე ანომალურიური გადახრებიც კი მხატვრულად მოტივირებული აღმოჩნდება.