მაქს ფრიში (1911-1991) ცნობილი შვეიცარიელი მწერალი და დრამატურგია. ის იყო ცნობილი და წარმატებული არქიტექტორი. მოგვიანებით მის მთავარ და ერთადერთ საქმიანობად მოგზაურობა და მწერლობა იქცა. უკვე ცნობილი დრამატურგი იყო, როდესაც დაწერა რომანები, რომლებმაც მსოფლიო აღიარება მოუტანა. "მსოფლიო კლასიკის" სერიაში მის ორ ყველაზე ცნობილ რომანს გთავაზობთ: "HOMO FABER" (1954) და "ვიქნები თუნდაც განტენბაინი" (1964). "HOMO FABER" II მსოფლიო ომის შემდეგ მომხდარი სწრაფი ტექნიკური პროგრესის შედეგად ადამიანის ცხოვრებასა და ცნობიერებაში მომხდარ ცვლილებებზე, ადამიანის ადამიანურ გრძნობებზე, უფრო სწორად კი, მათთან გაუცხოებაზე მოგვითხრობს. რომანში ამ ყველაფერს კიდევ უფრო ამძაფრებს ოიდიპოსის მითის ვარიაცია: ადამიანი მწარმოებელი, შუა ხნის წარმატებული ინჟინერი მიტოვებულ შვილთან ერთად პოულობს უდიდეს სიყვარულს, უბრუნდება ადამიანური განცდები: სიბრალულის, თანაგრძნობის, გულისხმიერების, მეგობრობის...