ამ რომანის მთავარი გმირი, უბრალო ოჯახის შვილი, ჯო ლემპტონი, მაღალი საზოგადოებისკენ მიილტვის. მან იცის, რომ ეს გზა ია-ვარდებით არ არის მოფენილი, რომ ფულს ფული უყვარს და უსამართლობასთან შეგუება უსამართლობაა, მაგრამ მაინც თავისას ცდილობს. რის ფასად ხვდება ადამიანი ელიტაში? რა მსხვერპლის გაღება უხდება საამისოდ? პატიოსნების? ღირსების? იქნებ, სხვის გვამსაც უნდა გადაახტეს? შეიძლება ელიტიდან წასვლა? რის ფასად? ეს კითხვები არ ძველდება. ჯონ ბრეინის ‘’გზა ელიტისაკენ’’ დიდი ხანია გასცდა ჩვეულებრივი ბელეტრისტიკის საზღვრებს. ეს არის ტკბილ-მწარე ნაწარმოები, რომელიც მკითხველს გულგრილს არასოდეს დატოვებს.