დროის მართვა

დროის მართვა
 
გიფიქრიათ ოდესმე, რომ დღე უფრო გრძელი იყოს, კვირას უფრო მეტი დღე ჰქონდეს? დამატებითი სამუშაო საათები ხდება თქვენი ცხოვრების ნაწილი? გიფიქრიათ, რომ კარგი იქნებოდა მეტი დრო გქონდეთ იმის გასაკეთებლად, რაც ყველაზე მეტად გიყვართ?
თუ ზემოთჩამოთვლილ კითხვებზე თქვენი პასუხი დადებითია, ეს ნიშნავს, რომ დროის დეფიციტს განიცდით, თუმცა სულაც არ ნიშნავს, რომ ცხოვრებას აზრი არ აქვს და თქვენ არ შეგიძლიათ შეცვალოთ რეალობა, გამოსავალი, რა თქმა უნდა, არსებობს და ის დროის ეფექტურ მართვაშია.

რა არის დრო?   ჩაწერეთ ეს სიტყვა Google-ში და პასუხად   შემდეგს ნახავთ - დრო მატერიის არსებობის ერთ-ერთი ძირითადი ფორმაა, რომელიც მოვლენების კანონზომიერი მონაცვლეობით გამოიხატება. სივრცე და დრო განუყოფელადაა ერთმანეთთან დაკავშირებული: ყველაფერი ხომ სადღაც და ოდესღაც ხდება. დრო არასდროს ჩერდება. ის ყოველთვის უცვლელი სიჩქარით მიდის.. სიგრძე შეიძლება მეტრებითა და კილომეტრებით გავზომოთ, წონა - ტონებით, კილოგრამებით, გრამებით. ყველა ეს საზომი პირობითია და ისინი მოფიქრებულია ადამიანის მიერ, დროის ძირითადი საზომი კი ბუნებამ თვითონ მოგვცა.
ეს დროის მეცნიერული განსაზღვრებაა და შესაძლოა ჩვენთვის არაფრისმთქმელიც, თუმცა მიუხედავად ამისა, დრო ჩვენს ცხოვრებაში მნიშვნელოვან როლს ასრულებს, ხშირად მასზე დამოკიდებულები ვართ, გვკარნახობს ქცევას, იწვევს სტრესს.... ჩვენ ხშირად გვავიწყდება, რომ დრო უსაზღვრო არ არის და მას ხშირად უბრალოდ ვფლანგავთ, საბოლოო ჯამში კი მუდმივად დროის უკმარისობას განვიცდით. ყოველთვის უნდა გვახსოვდეს, რომ დრო არ არის რაიმე საგანი რომ იგი მომავლისთვის გადავინახოთ და საჭირო დროს გამოვიყენოთ, მით უფრო, რომ ის ძალიან ცოტა გაქვს. 2012 წლის მონაცემებით, ქართველების   ცხოვრების საშუალო ხანგრძლივობა 77 წელია, სიცოცხლის ხანგრძლივობა განსხვავებულია სქესის მიხედვით (მამაკაცი- 74 წელი, ქალი - 81 წელი).
ჯერ კიდევ მაშინ, როდესაც ვსწავლობთ სკოლაში და ვართ ბავშვები, ვაწყდებით დროსთან დაკავშირებულ სირთულეებს. ასე მაგალითად, ჩვენვის უფრო მისაღებია მთელი სემესტრის მანძილზე ყურადღბის გადატანა სხვადასხვა სახალისო აქტივობებზე და მეცადინეობის გადადება „ ხვალისთვის “ , ხვალ, რომელიც შეიძლება იქცეს გამოცდის წინა დღედ ან ღამედ; გამოცდიდან გამოსულები კი ჩვენ აღვნიშნავთ: „ დრო არ იყო საკმარისი, ვერ მოვასწარი მეცადინეობა “ . სწორედ ამიტომ მნიშვნელოვანია დროის რაციონალური გამოყენების სწავლა, იმისთვის, რომ მოხადინოთ მისი ეფექტიანი გამოყენება.
დღე-ღამეში 24 საათია, კვირაში 7 დღე და ამის შეცვლა ჩვენ არ შეგვიძლია, თუმცა ჩვენ შეგვიძლია უფრო ეფექტურად გადავანაწილოთ ეს დრო, ისე რომ სამუშაოს შესრულებასა და დასვენებას შორის ბალანსი გვქონდეს დაცული.

დროის ეფექტურად გამოყენა მნიშვნელოვან ცვლილებებს შეიტანს თქვენს დღის წესრიგში, თუმცა მზად უნდა იყოთ ამ საჭირო ცვლილებების განხორციელებისთვის. დროის ეფექტური მართვა, პირველ რიგში, საკუთარი თავის უკეთ შეცნობას გულისხმობს, საჭიროა ზუსტად იცოდეთ თქვენი მიზნები, რას გინდათ, რომ ცხოვრებაში მიაღწიოთ, რისი კეთება განიჭებთ სიამოვნებას, როგორი გინდათ, რომ იყოს თქვენი პირადი და პროფესიული მომავალი. სასურველია ასევე, განსაზღვროთ რა ეტაპზე ხართ ახლა, რა მანძილი გაშორებთ სასურველ მომავალს. განსხვავება სასურველსა და არსებულს შორის, ხშირად ადამიანებში უსიამოვნო განცდას იწვევს, თუმცა სიტუაციის რეალისტური გააზრება საჭიროა იმისთვის, რომ უკეთ შეძლოთ გეგმის დასახვა. დროის მართვის უნარების განვითარება დაგეხმარებათ სასურველი შედეგს დროულად მიაღწიოთ და შეცვალოთ ის, რაც არ მოგწონთ.
 
დრო გაფლანგულია თუ სწორად დახარჯული?
მნიშვნელოვანია დროსთან მიმართებაში შევცვალოთ ჩვენი დამოკიდებულება, ამისთვის საჭიროა მკაფიოდ განვსაზღვროთ, როდის   ვფლანგავთ და როდის   ვიყენებთ რაციონალურად დროს. წარმოვიდგინოთ შემდეგი სიტუაცია: გაჩერებაზე დგახართ და ელოდებით თქვენს მეგობარს, რომელიც უკვე ნახევარი საათია გალოდინებთ, ეს დრო გაფლანგულია თუ სწორად დახარჯული? ალბათ ამ კითხვაზე ძალიან მარტივია პასუხის გაცემა, თუმცა წვრილმანებს არსებითად შეუძლიათ შეცვალონ სიტუაცია. თუ გაჩერებაზე ვდგავარ და მეგობარს ველოდები, დრო მაქვს ვიფიქრო ჩემს მომავალ გეგმებზე და დავსახო თუნდაც ხვალინდელი დღის ამოცანები   - ამ შემთხვევაში დრო უკვე რაციონალურად გამოყენებულია.
დროის ეფექტური მართვა გულისხობს, რომ   დროის ნებისმიერი მონაკვეთი რაციონალურად დავხარჯოთ, რაც საკმაოდ რთულია და ამისთვის კონკრეტული უნარ-ჩვევების გამომუშავებაა საჭირო.
რა არის დროის   მართვა?
დროის მართვა არის - მეთოდებისა და უნარების ერთობლიობა, რომელიც ეხმარება ადამიანს დროის უფრო ეფექტურად გამოყენებაში, რაც საბოლოო ჯამში ცხოვრების ხარისხს და მისით კმაყოფილებას განსაზღვრავს. გასაგებია, რომ პირდაპირი მნიშვნელობით დროის მართვა შეუძლებელია, დროის მართვის რეალური ამოცანა არის მოაწესრიგოს დროის ხარჯვის პროცესი (ეს ეხება როგორც სამუშაო დროს, ასევე პირადს).