"როდესაც არქივზე დავიწყე მუშაობა და მიზნად დავისახე, გამომეცა გურამის ნაწარმოებები, აღმედგინა მათი პირვანდელი სახე, მაშინ, ცხადია, არ ვფიქრობდი აკადემიურ თუ მეცნიერულ გამოცემაზე. ვიცოდი, რომ გურამის თხზულებათა უმრავლესობა დაწერილი იყო სწრაფად, ერთი ამოსუნთქვით. ამ ნაწერებს ის შემდეგ აღარ მიბრუნებია და მათ დაბეჭდვაზე, შესაძლოა, არც კი უფიქრია. არქივზე მუშაობისას სულ სხვა სურათი გადაიშალა ჩემ თვალწინ. მივხვდი, რომ გურამისათვის მნიშვნელოვანი იყო ყველაფერი, რაც შემოქმედებითი პროცესის დროს იღებდა სიტყვიერ, ხილულ ფორმას. 
" - მარინე რჩეულიშვილი