"დავითიანი" კრებულია, სადაც შესულია ლირიკული ლექსები და ორი პოემა: "მხიარული ზაფხული" და "ქართლის ჭირი". ეს უკანასკნელი ჩვენი ქვეყნის ტრაგიკული ისტორიული ყოფის შემზარავ სურათებს წარმოგვიდგენს. პოემაში ჩართულია ავტორის თავგადასავალი, მისი ცხოვრების ეპიზოდები. მთლიანობაში კი, ეს არის ქართველი კაცის უდიდესი სულიერი ტკივილის გამოხატულება, რომელსაც ძველ ქართულ ლიტერატურაში ბადალი არ მოეპოვება.