1936 წ. 19 აგვისტოს ფაშისტებმა მოკლეს 38 წლის ფედერიკო გარსია ლორკა - XX ს. ესპანეთის უდიდესი პოეტი, კაცი, რომელსაც საუკუნეობით ელოდა ესპანური ლიტერატურა. განსაზღვრავდა რა ლორკას მნიშვნელობას, ცნობილი კრიტიკოსი დამაზო ალონსო წერდა: „ზოგჯერ ესპანური თავისთავადობა განსაკუთრებული დაჟინებით ითხოვს გამოვლინებას. და თითქო ამ თხოვნის პასუხად XIV საუკუნეში იბადება ხუან რუისი, XVII ლოპე დე ვეგა, ხოლო XX - ლორკა“.
 "ჩვენი დრო ფეხმძიმეა ტრაგედიით ... ხელოვნება ხელოვნებისათვის - არაადამიანობაა. მხატვარიც იქ უნდა იყოს, სადაც ხალხია, მასთან ილხინოს და იტიროს, მე მარად ხალხთან ვარ."/ფედერიკო გარსია ლორკა/