დასაწყისი 1
უჟანგბადო და დაუსაბამო,
ჩამოწოლილა კოსმოსი ბნელი...
უსასრულოა, დროის გარეშე,
მარადიული და უშფოთველი.
2
ამ სიბნელეში ზურმუხტისფერი
მოსჩანს პატარა პლანეტა ჩვენი.
ეს უსასრულოდ მბრუნავი დისკო
ლამაზი არის და მშვენიერი.
3
იქ სიცოცხლე სჩქეფს, დუღს და ბობოქრობს,
ერთმანეთს ებრძვის თეთრი და შავი,
ადამიანებს ვერ გაუგიათ,
რატომ დამდგარა დროება ავი.
4
სწორს და არასწორს იქ „ ვერ არჩევენ “ .
სწრაფად მიჰქრიან სიცოცხლის წლები.
ძალმომრეობა ყველაფერს წონის,
თუმცა სიკეთე აქა-იქ ღვივის...
5
ვერ გაუგიათ, რა გზას დაადგნენ,
ყველა გზა როდი მიდის ტაძრისკენ...
წამომართულან ლაბირინთები,
როგორც ტალღები, როგორც ზვირთები,
არჩევანი და თავისუფლება...
საით იქნები? საით იქნები?
ჩუქება
