ამ დიდი სიყვარულისა და კეთილშობილების არაჩვეულებრივი ისტორიის სიუჟეტი რეალური ცხოვრებიდან არის აღებული. მისი გმირები ნამდვილად ცხოვრობდნენ, უყვარდათ და მოღვაწეობდნენ, ზუსტად იმ პერიოდში, როგორც ეს ნაწარმოებშია აღწერილი. ის ხალხი ჩემს მეზობლად ცხოვრობდა, ძალიან ადრე, ჩემს ბავშვობაში და მათი ისტორია დიდედამ მიამბო დიდი მოკრძალებით და პატივისცემით მათ მიმართ. ამ ისტორიამ შემძრა. ბავშვობიდანვე გადავწყვიტე რომანი დამეწერა მათ შესახებ, აღმეწერა ამ საოცარი კეთილშობილებით აღსავსე ადამიანების ცხოვრება, მაგრამ ეს აქამდე ვერ მოვახერხე. და აი, დიდი ხნის შემდეგ შევძელი დამეწერა პატარა რომანი მათ შესახებ და ამით პატივი მიმეგო მათი ხსოვნისადმი. სიტუაციები, მოქმედების ადგილები, დეტალები და გმირების სახელები გამოგონილია და ჩემი ფანტაზიის ნაყოფია.