ეკა ბაქრაძის პოეზია ინტელექტუალების პოეზიაა, მისი ლექსების ლირიკული გმირი მოაზროვნე, ჩაფიქრებული, ზოგჯერ სევდიანი, დრამატული მსოფლშეგრძნების მატარებელი ჩვენი თანამედროვეა. მკითხველს უყვარს ეკა ბაქრაძის პოეტური შემოქმედება. მისი ლექსების სილამაზე, განწყობილების სიცხადე, მეტაფორული აზროვნება და ფრაზის მუსიკალური ჟღერადობა ხელს უწყობს მკითხველში ესთეტიური გემოვნების ჩამოყალიბებას.