სამხედრო ბაზის სარელაქსაციო კომპლექსი მინუს მეორე სართულზე მდებარეობდა. მიწისქვეშა ბუნკერში მოთავსებული სპორტული დარბაზი, მწვანე ზონა და იაპონური ბაღი–რეანუზი ფიზიკურ და ფსიქოლოგიურ განტვირთვას უწყობდა ხელს. კომპლექსში მობილურების, ნოუთბუქების და სხვა აპარატურის შეტანა იკრძალებოდა. ქართული კონტიგენტის ნაწილობრივი როტაცია, ავღანეთში, ორი თვის წინ განხორციელდა. ახალჩამოსულ დევი არველაძეს იაპონური ბაღი–რეანუზი ყველაზე მეტად მოსწონდა. სამხედროები იმდენად დაძაბულ ვითარებაში იმყოფებოდნენ, რომ მათ რელაქსაცია ჰაერივით ჭირდებოდათ. ბაღის სისადავით მოხიბლულმა ქართველმა, 2013 წლის 14 ივლისს, დილის პატრულირების შემდეგ, ბაღის ტერიტორიას მიაშურა...