„ვიკილიქსი ვიცით, რაც არის! ვიკილექსი ვიკილიქსის ქართული ანალოგია, უფრო სწორედ, ქართული ვიკილიქსის, ვირტუალური ვიკილიქსის ერთ-ერთი ვერსია. ცხადია, ვიკილექსი არ უდრის ვიკილიქსს – ჩვენი ამოცანა და თემატური თვალსაწიერიც, ჩვენი ჩანაფიქრის მასშტაბები ბევრად შეზღუდული და მარტივია – ჩვენ კომუნიზმის დროინდელი პოეტებისა და მათი მაკონტროლებელი ორგანოების საქმიანობას შევეხებით და არც კომუნისტი პოეტის მორალს დავტოვებთ უყურადღებოდ. ამ სათაურის ქვეშ – ვიკილექსი – ყველას შეეძლება თავისი პოზიციის გაცხადება. პროექტი, ცხადია, ლუსტრაციის ელემენტებსაც გულისხმობს... ლექსის წერას რა უნდა – გადავსებულია ლექსით მთელი საქართველო! პოეზია თქვი შენ, თორემ ლექსი, კი ბატონო! რამდენიც გინდა! თანაც იმ ქვეყანაში, სადაც გამკითხავი აღარავინ დარჩა! გაერთიანდება აგერ ხუთი უნიჭო და დედას უტირებს ას ნიჭიერს! ადრე თუ გვიან, ეტყობა ეს თამაშიც დასრულდება! ეს რომ ასე მოხდეს, ვიკილექსმაც უნდა თქვას თავისი სიტყვა! იტყვის! ალბათ იტყვის...“