პროზაულ კრებულში წარმოდგენილია ოთხი მოთხრობა. მათი თითოეული გმირი ეძებს პასუხებს ისეთ კითხვებზე, როგორებიცაა: ვინ ვარ მე? სად არის ჩემი ადგილი? რისთვის მოვედი ამ სამყაროში? „მარადიული მგზავრი“ გამოგზაურებთ არა ქალაქებსა და ქვეყნებში, არამედ საკუთარ თავში, სადაც პასუხები თავად უნდა იპოვოთ. ამ კრებულში თავმოყრილი ნოველები 2020-2025 წლებში დაიწერა. თითოეულ მათგანში დაინახავთ სევდას, მარტოობას, უიმედობას და გაუცხოებას სამყაროსადმი. პერსონჟების მთავარი ამოცანაა, დაძლიონ თავიანთი სისუსტეები, იპოვონ საკუთარი თავი და შეერწყან სამყაროს მთელი არსებით. ვინ ვარ სამყაროში? - ეს არის კითხვა, რომლითაც ყველაზე საინტერესო მოგზაურობა იწყება, თუმცა ამისთვის უკუნეთი ღამე და ყინვით დასუდრული გზები უნდა გაიარო, რადგან საკუთარ თავამდე მისასვლელი გზა ხიფათით სავსეა. სწორედ ეს არის მოგზაურობის აზრი, გზად კი პატარა სიმბოლოებია, რომელშიც სამყარო პასუხებს მალავს.