ხვიჩა ბეგიაშვილის მოთხრობების კრებულში შესულია მოგონებები ნადირობის შესახებ. ბავშვობის თავგადასავლები, ბუნების სიყვარული, ნადირობის დაუჯერებელი ამბები. მოთხრობები განკუთვნილია ბუნების მოყვარულების, მონადირეების და ნატურალისტებისთვის. განსაკუთრებით საინტერესო უნდა იყოს დამწყები მონადირეებისთვის და ზოგადად ყმაწვილთათვის, რომლებსაც სურთ დაუახლოვდნენ ბუნებას და სიამოვნებთ ნადირობის და თავგადასავლების მძაფრი შეგრძნებები. წიგნში მოცემულია 18 მოთხრობა, რომელიც წარმოადგენს 18 ცალკე აღებულ ისტორიას. მოგონებებს ღრმა ბავშვობაზე და სიყმაწვილეზე. მოთხრობებში ნახავთ ქიზიყის ერთ-ერთი სოფლის, ძველი ანაგის მაცხოვრებელთა ყოფას გასული საუკუნის 90-იან წლებში. მოთხრობებში მოყვანილი ამბები წარმოადგენს ავტორის თავს გადამხდარ რეალურ ამბებს. მოთხრობებში გაიცნობთ ბევრ პროფესიონალ და დამწყებ მონადირეს. ხშირად ამბები გადმოცემულია იუმორისტულ ჟანრში, რაც ქიზიყის მკვიდრთათვის დამახასიათებელი და განუყოფელი თვისება არის.