ისმაილ კადარეს ეს რომანი უძველესი ალბანური ხალხური ლეგენდის მხატვრული ინტერპრეტაციაა. ეს არის თქმულება ბესაზე – წმინდა ფიცზე, მიცემულ სიტყვაზე… ახალგაზრდა დორუნტინა, რომელიც სახლიდან შორს, უცხო მხარეშია გათხოვილი, სრულიად მოულოდნელად ბრუნდება შინ, დედასთან. მისივე თქმით, ამ მოგზაურობისას თან ახლავს ძმა, კოსტანდინი, რომელიც უკვე დიდი ხანია, მკვდარია… მაშინ ვინ დააბრუნა დორუნტინა? ამ თავსატეხის, იდუმალებით მოცული და, ერთი შეხედვით, ფანტასტიკური სიუჟეტის ფონზე კადარე ქმნის მრავალშრიან ტექსტს, რომელშიც ნამდვილი დეტექტიური ამბავი, ბალკანური მითოსი და ფილოსოფია ერთმანეთშია გადახლართული. ვინ დააბრუნა დორუნტინა? ეს არის ბალადა ფიცზე, რომელიც სიკვდილსაც კი არ ემორჩილება.