თუ შენი ვალი მობარებულის შვილებისთვის გადაცემა იქნება მხოლოდ, უთუოდ წააგებ! თუ ერთხელ ნასწავლს არაფერს შემატებ, გარედან გამოწვდილი უცხო ხელი ყველაფერს თავდაყირა დაგიყენებს! შენს უმეცრებას შენსავე წინააღმდეგ გამოიყენებენ... თურქი კლასიკოსის საბაჰათინ ალის „ერთი ტყის ამბავი“ იმ კრავის ბოლო გაფართხალებაზეა, მტაცებლის კბილებში რომ უნდა მოექცეს წუთი წუთზე. იცოდე, უსუსურობა და გაურკვევლობა ჯერ გაოცებას შობს, მერე წყენასა და ბოღმას... ბოლოს კი აღმოაჩენ, რომ ქვა, რომელიც ხელში გიჭირავს, ეშმაკისაა და ბევრს ვეღარაფერს გარგებს.