თუ კეთილ მწყემს ბენედიქტს ზამთარში ისლანდიის პირქუშ და ქარიშხლიან მთებში არ გაჰყვები დაკარგული ცხოვრების მოსაძებნად, ვერასოდეს გაიგებ, რა მნიშვნელობა აქვს ერთი სულიერის გადარჩენას მთელი კაცობრიობისთვის და თუნდაც ერთი ცხვრისთვის თავგანწირვას − სამყაროსთვის. "კეთილი მწყემსი" მათთვისაა, ვინც შეიყვარა, ვინც დაკარგა, ვინც ირწმუნა, ვინც დაეცა, ვინც შეძლო და სამყარო საკუთარი თავის მიღმა(ც) დაინახა და, რაც მთავარია, ვინც არასდროს დაკარგა იმედი. ადამიანის მოვალეობაც ხომ ესაა: იპოვოს სხვათა და საკუთარი გადარჩენის გზა და არასოდეს დანებდეს! ისლანდიელმა მწერალმა, გუნარ გუნარსონმა (1889-1975) "კეთილი მწყემსი" თავდაპირველად დანიურ ენაზე დაწერა, მოგვიანებით კი თავად თარგმნა ისლანდიურად. ქართულად ნაწარმოები ინგლისურიდან ითარგმნა, თუმცა ის სრულად ინარჩუნებს ორიგინალის მაღალმხატვრულ ღირებულებას.