„ხიხანის ექო“ ისტორიული ჟანრის რომანია, რომლის მთავარი გმირი არის საქართველოს ერთიანობისთვის მებრძოლი, საქართველოს ეროვნული გმირი სელიმ ხიმშიაშვილი. რომანს მკითხველი გადაჰყავს ოსმალთა ბატონობის მძიმე წლებში. სელიმ ხიმშიაშვილი თავდაპირველად აჭარის მმართველია, მოგვიანებით კი ახალციხის ფაშა, თუმცა ძალაუფლება არასოდეს ყოფილა მისი თვითმიზანი. იგი არ ემორჩილება ოსმალეთის სულთანს და იბრძვის არა მარტო აჭარის, არამედ მთელი სამხრეთ-დასავლეთი საქართველოს გათავისუფლებისთვის. სელიმ ხიმშიაშვილი საკუთარ სიცოცხლეს სწირავს ამ წმინდა მიზანს. „ხიხანის ექო“ არის ამბავი კაცისა, რომელმაც სამშობლოს თავისუფლება საკუთარ სიცოცხლეზე მაღლა დააყენა. მისი უკანასკნელი სიტყვები კი ექოდ რჩება, რომელიც თაობიდან თაობას გადაეცემა და დღესაც აქტუალურია დაკარგული ტერიტორიების დასაბრუნებლად.