ამ წიგნის გმირები ჩვეულებრივი და არაჩვეულებრივი, საქვეყნოდ ცნობილი და სრულიად უცნობი ადამიანები არიან: ჰალუცინაციებით შეპყრობილი ფსიქოპატი... ჭეშმარიტებაზე ფიქრით შეშლილი ფილოსოფოსი...… გამოცარიელებული ცხოვრების შიშით გათანგული, ”ვადაგასული“ პენსიონერი... ბორხესი (დიახ, ხორხე ლუის ბორხესი), რომელიც საკუთარ თავში დაკარგვის შიშით, თავისივე ბიბლიოთეკის ლაბირინთებში ჩაიკარგა... ქარხნის მუშა, რომლის სახლის ჭერიც ერთ დღეს გაიპო და იქიდან ”კოსმოსის ღრიალმა“ შემოაღწია... და ასე შემდეგ, და ასე შემდეგ... თუმცა, ამ ფანტასმაგორიული ამბებიდან, დროდადრო, ნამდვილი, ყველა ჩვენგანისათვის კარგად ნაცნობი, ადამიანური განცდები ”მოჟონავს“...