სიყვარული თუ ხელოვნება? როცა დაუჩოქა „სამგზის სანატრელმა“, უტამ უკვე იცოდა, რომ ხელოვნებას შესწირავდა სულს. და დილემად ქცეული კითხვის პსუხად სვეტიცხოველი წამოიმართა მტკვრისა და არაგვის შესართავთან... ახლა სულ სხვა სიყვარულის ამბავი უნდა გიამბოთ. თურქი მწერლის, საბაჰათინ ალის მოთხრობა „ჩელო“ - სხვა პერსონაჟები, სხვა გეოგრაფია და სხვა დრამა... იგივე მხოლოდ კითხვაა, კიდევ ბევრჯერ რომ ააფორიაქებს ფურცლებში ჩაკარგულ მკითხველს: სიყვარული თუ ხელოვნება? „დამარცხდა ხელოვნება...“ - წერს ერთგან საბაჰათინ ალი, თუმცა სიუჟეტური ქარგა ისე ვითარდება, ყველას საკუთარი პასუხი ექნება და ყველა თავისებურად მართალი იქნება უთუოდ.