დავით კაპანაძის ლექსების მცირე კრებულს თავისუფლად შეიძლება ვუწოდოთ "ექო 90-იანებიდან", ვინაიდან კრებულის ძირითადი ნაწილი დაწერილია გასული საუკუნის 90-იანი წლების დასაწყისში და წარმოადგენს აღნიშნული პერიოდის ავტორისეულ აღქმას. ლექსების კრებული იმ დროისთვის არ გამოქვეყნებულა, ავტორმა მიზანშეწონილად მიიჩნია მისი დღესდღეობით გამოქვეყნება, რადგან კრებულის სულისკვეთება, გარკვეულწილად, რელევანტური ხდება 21-ე საუკუნის 20-იანი წლების საქართველოსთვისაც.