ჟურნალი „ზღვარი - მართლმადიდებლობა და თანამედროვეობა“ თეოლოგიური საგანმანათლებლო გამოცემაა, რომელიც 2003 წლიდან გამოდის. გამოცემის მიზანია, თანემედროვე და კლასიკური მართლმადიდებლური ტრადიციის გათვალისწინებით, ყველა იმ საკითხის თეოლოგიურ კონტექსტში გააზრება, რაც ადამიანის წინაშე წამოიჭრება ინდივიდულურ და საზოგადოებრივ, ნაციონალურ თუ გლობალურ დონეზე. ჟურნალი „ზღვარი“ წელიწადში ოთხჯერ გამოდის. იგი გთავაზობთ როგორც საღმრთო წერილის ჰერმენევტიკას, ასევე ეკლესიის დიდ ღვთისმეტყველთა, თანამედროვე ქართველ და უცხოელ თეოლოგთა თუ რელიგიის მკვლევართა ნაშრომებს. „ზღვარის“ სოციალურ ქსელებზე მკითხველს შეეძლება გაეცნოს ჟურნალში გამოქვეყნებულ მნიშვნელოვან ფრაგმენტებსა და ანოტაციებს, გაიგოს მომავალ ნომრებში დაგეგმილი თემების შესახებ და გახდეს ჩვენი მსჯელობის თანამონაწილე. გვჯერა, ჩვენი გამოცემის მეშვეობით, ხელს შევუწყობთ მართლმადებლობის იდეოლოგიური და გეოპოლიტიკური კონსტრუქციების მიღმა დანახვას, ქრისტიანობის როგორც ღმრთისა და ადამიანის შეხვედრის და მსახურების გზის გაცნობიერებას.