ჰელენი ახალგაზრდა ქალია, რომელიც კოშმარებისა და ამნეზიის სამყაროში იძირება. უცნაური სიმბოლოები, შელოცვები და იდუმალი სარდაფი — ყველაფერი ერთმანეთში იხლართება მაშინ, როდესაც დემონური ძალა ცდილობს რეალობას მოერიოს. წიგნი იკვლევს ადამიანის ფსიქიკის ღრმა ფენებს და განიხილავს ბრძოლას საკუთარ თავთან, წარსულთან და ზებუნებრივთან. ჰელენის ცხოვრება სიჩუმითა და შფოთვით დაიწყო, თუმცა ყველაფერი მაშინ შეიცვალა, როცა მის გზაზე ძველი სახლი, მიტოვებული ქუჩა და საიდუმლოებით მოცული სიმბოლოები გამოჩნდა. ის და მისი მეგობრები შემთხვევით აღმოჩნდებიან ისტორიაში, რომელიც არაერთ კითხვას აჩენს და ყოველ პასუხი ახალ კარს უხსნის — მიწისქვეშეთისკენ. კომპასი, რომელიც ჩრდილოეთის ნაცვლად ადამიანებზე რეაგირებს, უცნაური ლათინური წარწერები და სახე, რომელიც კოშმარებიდან თითქოს რეალობაში გადმოვიდა — ეს მხოლოდ დასაწყისია. მაგრამ სად მთავრდება თამაშის ზღვარი და იწყება რაღაც უფრო საშიში? „გზა მიწისქვეშეთისკენ“ არის მისტიკური თრილერი ზებუნებრივის, ფსიქოლოგიური დაძაბულობისა და ადამიანური ურთიერთობების შესახებ. ეს ისტორია მკითხველს აიძულებს იფიქროს, თუ რამდენად ვიცნობთ საკუთარ თავს — და ვის ან რას ვუტოვებთ ჩვენი გონების კარს გაღებულს.