ცნობილ ექიმს კიბოს დიაგნოზს დაუსვამენ. პირველი შოკის შემდეგ, პაციენტად ქცეული ექიმი იწყებს ბრძოლას და ეს არ არის ბრძოლა მხოლოდ სიცოცხლის შენარჩუნებისთვის. საავადმყოფოს ოთახებში, ქიმიოთერაპიის უსასრულო წუთებში, საკუთარ მოგონებებსა და სხეულთან გაუცხოებისას, ის ქმნის ახალ რეალობას, სადაც სიკვდილი აღარ არსებობს. კიბოს წინააღმდეგ ბრძოლა სიკვდილის კონცეფციის წინააღმდეგ ბრძოლად იქცევა. რას მიაღწევს ამ ბრძოლით ექიმი, მკითხველმა უნდა გადაწყვიტოს. სწორედ მკითხველს რჩება ეს თავსატეხი – ნამდვილია სიკვდილი თუ მხოლოდ ამბავია, რომელსაც ადამიანი თხზავს? „სიკვდილის გაუქმება“ გიორგი კეკელიძის რომანია, რომელიც ასახავს ცნობილი ქართველი ექიმ-რეპროდუქტოლოგის, არსენ გვენეტაძის ბრძოლას და გამარჯვებას კიბოზე. ნაწარმოები ნასაზრდოებია ასევე არაერთი სხვა ონკოპაციენტის გამოცდილებით.