ლეო ქიაჩელის სამტომეულის მეორე ტომში შესულია მწერლის ორი რომანი „გვადი ბიგვა“ და „მთის კაცი“. ორივე ნაწარმოები საბჭოთა საქართველოს რეალობას ასახავს, თუმცა, თუ „გვადი ბიგვას“ თემატიკა წმინდად სოციალურია, „მთის კაცი“ მეორე მსოფლიო ომის ამბებს გვიყვება. „გვადი ბიგვა“ ახალი, საბჭოთა ადამიანების ცხოვრებაზე გვიამბობს და მის ფსიქოტიპს სოფლის ყოფითი პრობლემების ჭრილში წარმოგვიდგენს. „მთის კაცი“ კი ერთგვარად მწერლის პირადი ტრაგედიის გამოძახილია - მან სამამულო ომში ერთადერთი ვაჟი დაკარგა. ნაწარმოების მთავარი გმირი მთის კაცია, რომელიც ომით გამოწვეულ ცხვლილებებსაა შეჭიდებული.