მოქმედება იწყება ქალაქ სანტიონში. მცირეწლოვან იმპერატორს კონსცილიოსს ტახტის წართმევას უპირებს ტარსოლისის მმართველი ბარდალის სკრაბინუსი. დედოფალი ელდოროსია სარდალ მარცელ კორნინეს ელჩად გზავნის სპეროსაში, მეფე დორილთან და მას დახმარებას სთხოვს. სპეროსელები მათ მოკავშირე გორდისელებთან ერთად დახმარებაზე დასთანხმდებიან და საბოლოოდ გამარჯვებასაც მიაღწევენ. კონსცილიოსი რამდენიმე წელში ტახტს დაიკავებს, ხოლო სპეროსას ტახტის მემკვიდრე დორილის ძმისწული პრინცი ბარტელია. ბარტელს ულლუსინები გამოუგზავნიან მისი მტრის თავს და წერილს, სადაც აცნობებენ, რომ მამამისის მკვლელი ცოცხალია. ბარტელი ულლუსინთა სატახტოში, შურისძიების მიზნით გაემგზავრება. წერილით ულლუსინთა პრინცმა ბარტელს მახე დაუგო, რათა მამამისის მკვლელის, დაუნდობელი გოლიათის ხელით დაღუპოს. თუმცა ბრძოლაში ბარტელი გამარჯვებული გამოდის. ამასობაში მეფე დორილი იღუპება და ტახტს ბარტელი იკავებს. სპეროსაში ულლუსინი დიდვაჭარი ბოიხა ბელძინი ჩამოდის, რომელიც მეფის ნდობას მოიპოვებს და შეუდგება სპეროსას დასუსტების ულლუსინურ გეგმას. კონსცილიოსი ომს წამოიწყებს სპეროსელთა წინააღმდეგ, რის გამოც დაუპირისპირდება მარცელ კორნინე, რომელიც სანტიონიდან ოჯახით მიდის და თავშესაფარს გორდისელებს სთხოვს. გორდისის რესპუბლიკაში ცხოვრება ძველებურად ვრცელდება, მათი სარდალი არიან ჰორდიელა მარცელს უმასპინძლებს და მისი შვილიშვილები ორგი და თობელი მარცელის შვილებთან დუკასთან და სელენასთან ერთად იზრდებიან. ორგი და თობელ ჰორდიელები დუკასთან ერთად სპეროსელთა სატახტოში, თერმოდონისში მიდიან აკადემიაში, განათლების მისაღებად. დედოფალი ელდოროსია გარდაიცვლება და მარცელი დუკასთან, თობელთან და ორგისთან ერთად სანტიონში ჩადის. აქ თობელს შემთხვევით ხვდება ას წელს გადაცილებულ მოხუცს, რომელიც მას უცნაურ ადგილას ძველ არტეფაქტებს გადასცემს, შემდეგ კი კედელში უჩინარდება.