პიესის მოქმედი გმირები ვირტუალურ სამყაროს მიჯაჭვული ადამინები არიან, რომლებიც ცხოვრების უმეტეს ნაწილს Facebook - ში ატარებენ. ისინი სულ უფრო და უფრო სცილდებიან რელურ სამყაროს და გამოგონილი ქვეყანაში ცხოვრობენ. აქ იღებენ ყველანარ ემოციას და იქვე იცლებიან. მათი მეგობრების რიცხვი Facebook -ში სამნიშნა ციფრია, ამიტომაც არ ანაღვლებთ, თუკი საკუთარი გვერდიდან ვინმეს გაწირავენ, ჩაქოლავენ, ან სულაც გააქრობენ. სისასტიკე აქ ჩვეულებრივი მოვლენაა. Facebook - ის ბინადრებს უკვე მოთხოვნილებაც აღარ აქვთ ნამდვილი მეგობრობის და ნამდვილი სიყვარულის. ვეღარც იმას გრძნობენ, რომ სამყარო ადამიანების უგნურებით უფსკრულის პირას დგას და თუ დროზე გონს არ მოეგებიან, შეიძლება ეს ყველაფერი სტიქიამ შთანთქოს, ისე როგორც მათი Facebook-ის ქვეყანა, რომელიც ღილაკის ერთი დაჭერით გაქრება.