გიორგი მაისურაძის კრებული „ლეთე“ ხუთ პიესას აერთიანებს, რომლებიც 2015-2022 წლებში დაიწერა. მითების უძველესი და ახალი ინტერპრეტაციები, ანტიკური სცენები და თანამედროვე სოციალური გარემო ერთმანეთშია არეული. ამბები, სცენები დროითი განზომილების მიღმაა აღწერილი. სწორედ ასე ხედავს ავტორი თეატრს, როგორც დიდ ამბავს, რომელიც არასდროს მომხდარა და მუდამ ხდება. ხდება ამ სამყაროში, უბრალოდ ის ყოველდღიურობის ენაზე არ ითარგმნება და ამიტომაც ჩვენი აღქმის ორგანოების მიღმა ჩაივლის. ეს პიესები დაწერილია თეატრისთვის, რომლის ენა მოუხელთებელია, რადგან ის იცვლება, ამდენად სულ ახალია და უცხო.