წიგნში სიუჟეტი ვითარდება გამოგონილ სივრცეში და აბსტრაქტულ, ასევე ავტორისგან გამოგონილ დროში. სიუჟეტი იწყება ერთ-ერთ დიდ ქალაქში, საიდანაც იქ მცხოვრები პერსონაჟი ბრუნდება თავის სამშობლოში, რათა შეისწავლოს ანომალიური მოვლენა და მისი კავშირი მის სამშობლოში - კართიაში განვითარებულ მოვლენებთან. აუგუსტო ლეონი აქ ხვდება ახალგაზრდა პოლიტოლოგ ნერო კართაგოს, რომლის დახმარებითაც უკეთ ერკვევა არსებულ სიტუაციაში და აღმოაჩენს, რომ ვითარება იმაზე უფრო რთულია, ვიდრე ის გარედან და შეუიარაღებელი თვალით მოჩანს. კართია რამდენიმე ათეული წლის წინ უხსენებელთა იმპერიის შემადგენლობაში შედიოდა. იმპერიის დაშლის შემდეგ ქვეყანამ რამდენიმე სამოქალაქო ომი და გაჭირვება გადაიტანა. ქვეყანაში არის რამდენიმე უცნაური სახელწოდების ქალაქი, რომელსაც უხენების იმპერიის მმართველობის პერიოდში სახელები მიზანმიმართულად შეუცვალეს. ეს ქალაქები, მათი მოსახლეობა და დედაქალაქში ჩამოსული მათი ნაწილი ხდება დასაყრდენი იმ მმართველი ძალებისათვის, რომლებიც უხსენთა იმპერიის მიმართ ლოიალურობას იჩენს და შედეგად, ქვეყანა უკიდურეს ნიჰილიზმში, გაჭირვებაში და უიმედობაშია ჩავარდნილი. კართიიდან მოსახლეობის ორი მესამედი ქვეყნიდან გასულია სამსახურისა და შესაძლებლობების საძიებლად, ხოლო ქვეყანაში მიმდინარებს უკიდურესი მარგინალიზაცია და დაყოფილია ფენებად, რომელიც არ ექვემდებარება მერიტოკრატიას. აუგუსტო თავის ახალშეძენილ მეგობართან ერთად დაინტერესდება ამ პრობლემით და იკვლევს მის მიზეზებს. ხოლო ნერო კართაგო ცდილობს მოძებნოს გამოსავალი შექმნილი ვითარებიდან გამოსასვლელად. რის გამოც დაუპირისპირდება ქვეყანაში არსებულ პოლიტიკურ კარტელს.