რომანის მთავარი გმირი, ახალგაზრდა " მაჟორი ", რომელიც ჯერ მხოლოდ ცხოვრების დასაწყისში დგას, ადამის მოდგმის ბრძოლას გადის.. მისი სახელი და გვარია ამადანის ზაგიდი (ადამიანის გზა). ამადანისი თითქოს ქვეცნობიერად ხვდება, რომ მისი არსებობა რეალურისა და ფანტასტიურის ზღვარზე მიმდინარეობს. ის მისტიური გარემოცვა კი, რომელიც გარს ახვევია, სწორედ კაცობრიობის იმ მარადიული ომის მთავარი გმირები არიან - კეთილი და ბოროტი, თეთრი და შავი. ვაჟი ხედავს, რომ თავის " ჩვეულებრივით " შემოსილ რეალობაში გამუდმებით გვერდით ჰყავს მისი " მეგობრები ": ცოდვა, ცდუნება, სისუსტე: მანკაბერესი (მანკიერება), ბარხესი (სიხარბე), ფარეარი (არაფერი), სილინი (ნისლი) და მათი წარმომშობები : მავრატანაპი (ამპარტავანი(ება), ომაბანესი (ამაო(ება). თუმცა თუ გადარჩენას გულით მოინდომებს, მის ცხოვრებაში ისინიც არიან : დიმეია (იმედი), ქიშუი (შუქი) და მისთვის ძალის მიმცემი ვიხასი (სხივი), ბენოდაში (შენდობა), (გონიერი) გინერიო, კეთილშობილი ლუსი (სული) და სემუჩი (სიჩუმე) და რაც მთავარია, არსებობს აისი.. ნეტავ საით გადაიხრება წუთისოფლის " ადამის მოდგმის სასწორი " და საით აღმოჩნდება საბოლოოდ ის, ადამიანი(ამადანისი)...