მე ბევრჯერ გამიმართლა მთავარი რედაქტორის ამპლუაში. პირველ რიგში, გამიმართლა ადამიანებში, ვინც გვიზიარებდნენ თავისუფალ თემებს, ნააზრევს და ამისთვის ნახულობდნენ დროს. ავტორების ეს კატეგორია შემდგარი პროფესიონალები არიან, შრომობენ სხვადასხვა კომპანიებში და საკუთარ ვალდებულად მიიჩნევენ გააზიარონ ის ცოდნა, რაც დააგროვეს ცხოვრების მანძილზე. სწორედ ასე გავიცანი ხელმეორედ ირაკლი ლაითაძე - ჩემთვის, გადაჭარბების გარეშე, გამორჩეული მთხრობელი და ავტორი, რომელსაც გადმოცემის არაჩვეულებრივი ნიჭი აღმოაჩნდა. ეს ირაკლის რიგით მეორე წიგნია. 2022 წელს გამოცემული “კედელზე ამოკაწრული აზრები”-ს შემდეგ, 2024-ში მკითხველს შეუძლია გაეცნოს მისი ბლოგების კრებულს, რომელსაც ის წლების მანძილზე რეგულარულად აქვეყნებდა ჟურნალ Forbes Georgia-ს პლატფორმაზე. ირაკლი ლაითაძის ყველა სტატია თუ ბლოგი ცალკე მოგზაურობა გახლდათ. თითოეული ეს ბლოგი თუ სვეტი, მზა მედია პროდუქტია. ყველას გისურვებთ ასეთ პროფესიულ იღბალს. ყველას გისურვებთ ასეთ მეგობარს გვერდში. გიორგი ისაკაძე ბიზნეს მედია (BMG) TV-ს მთავარი პროდიუსერი Forbes Georgia-ს ყოფილი მთავარი რედაქტორი