ეს ცხოვრება ხომ უფლის საჩუქარია, ჩვენც დროებითი სტუმრები ვართ ამ ცხოვრებაში და ჩვენზეა დამოკიდებული ბევრი რამ, თუ როგორ გამოვიყენებთ ამ ცხოვრებაში ჩვენს კუთვნილ დროს! თუ რას დავთესთ და რას მოვიმკით! ასე უთხრა ერთ დროს ერთმა ჭკვიანმა ადამიანმა მას და ამიტომაც ერთხელაც გადაწყვიტა თავისთვის, რომ ისე ეცხოვრა ამ ქვეყნად რომ რაიმე ღირებული შეექმნა ან დაეტოვა, რაც მთლიანად შეცვლიდა კაცობრიობის რეალობის აღქმას და ისე დაინახავდნენ მოზარდები, დიდებიც, პატარებიც სამყაროს, როგორც ეს საჭირო იყო, ანუ დააფიქრებდა, ჩაახედებდა ცხოვრების არსში მავანთა და მავანთ და გამოაფხიზლებდა. ხოდა „ის“ ბევრს ფიქრობდა თუ ასეთი რა დაეტოვა ამ ქვეყნად.