ალბათ ცხოვრებაში ერთხელ მაინც ყველას გვიფიქრია, თუ რა მოხდებოდა რაღაც კონკრეტულ მომენტში სხვანაირად რომ მოვქცეულიყავით, ან სხვა რას მოიმოქმედებდა ჩვენს ადგილას, მაგრამ თქვენ იმაზე თუ გიფიქრიათ რა მოხდებოდა რომელიმე ისტორიულ გმირს ჩვენს ეპოქაში რომ ეცხოვრა? რა თქმა უნდა, გიფიქრიათ და არც თუ ისე ცოტა, მაგრამ ოდესმე თუ გიცდიათ, რომ თქვენი ფიქრები ფურცელზე გადმოგეტანათ და აზრებისთვის ფრთები შეგესხათ? აი, ჩვენი ავტორი სწორედაც რომ ასე მოიქცა და ფრთები შეასხა სატირულ-იუმორისტულ რომანს. აღნიშნული რომანი არც მეტი არც ნაკლები გვიყვება ყველასათვის კარგად ნაცნობ სტალინზე, რომელიც რაღაც მისტიური ძალით 2025 წელს გორში, საკუთარ ვაგონში იღვიძებს და თვითონაც გაურკვევლობაშია, ვერ გაუგია რა მოხდა და რატომ არის ყველაფერი ასეთი შეცვლილი.