კრებულში შეტანილი ნაწარმოებები, მართალია, მოიცავენ დროის დიდ არეალს - დღევანდელობიდან შორეულ მომავლამდე, - მაგრამ რეალურად მათში მოთხრობილი ამბები თანამედროვე საქართველოს წინაშე მდგარ ეგზისტენციალურ ამოცანებს ეხმაურება, ძალაუფლების რაობა-ხასიათიდან ქვეყნის არსებობის საზრისამდე. "აქილევსის ქუსლში" კი მკითხველი ადვილად ამოიცნობს საქართველოში ამჟამად მოქმედ სავსებით რეალურ და ერთ-ერთ ყველაზე გავლენიან პოლიტიკურ ფიგურას - მიუხედავად იმისა, რომ მისი სახე ფანტასტიკური ჟანრის მეთოდებითაა გადმოცემული.