ეს ტრილოგია მოგვითხრობს ორ სხვადასხვა ასაკის, სოციალური მდგომარეობისა და განსხვავებული მსოფლმხედველობის ადამიანზე იმ წუთიდან, როდესაც მათ ცხოვრებაში „მოულოდნელად“ იწყება ისეთი რამ, რაც თითქმის რადიკალურად ცვლის მათ ჩვეულ ყოფას. შეშინებული და დაბნეული გმირები გადადიან აქტიურ მოქმედებებზე, ცდილობენ დაიცვან თავი და თავისიანები და... სწორედ აქედან ირკვევა, რომ ადამიანი - ეს უკვდავი არსება, ორივე სამყაროში ერთდროულად ისე ცხოვრობს, ვერც კი გრძნობს ამას და თავის ტკივილსა და უბედურებას, თავის ჯოჯოხეთს ორივეგან ტკბილ ოცნებაში შეფუთულს დაატარებს. ხშირად, ამ ოცნებას გარკვეული დროით, აცოცხლებს სიზმარივით, ეხვევა შიგ და ცხოვრობს კიდეც მასში (უფრო - იმალება), მაგრამ იმ წყეულ ტკივილს ვერა და ვერ ანელებს... ტრილოგიის მეორე ამბავი ( პირობით ვადამდე გათავისუფლებული) გზას აცდენილ ახალგაზრდა კაცზეა, რომელიც უკვე მეორედ მოხვდა ციხეში, იქ წაგებული, გარკვეული თანხის გამო საკმაო უსიამოვნებაში ეხვევა, საქმე შეიარაღებულ დაპირისპირებამდეც მიდის... მაგრამ „მოულოდნელად“ მას და მის მტრებს ათავისუფლებენ! გარეთ ყოფილი პატიმრები რიგდებიან, მაგრამ მერე იწყება ისეთი, რაც მთავარი გმირის ცხოვრებას რადიკალურად ცვლის. როგორც შემდეგ ირკვევა ყოფა მის მეგობრებსაც ეცვლებათ და მკითხველი ამჯერადაც ერთვება მათ ცხოვრებიაში...