"სხვა განზომილება“ ამ პოეტური კრებულის სათაურად შემთხვევით არ შერჩეულა. კრებულის ას ერთივე ლექსი ცოცხალი და სულის ღრმა, დაფარული საცავებიდან წამოსული ამომღერებაა. თითქმის ყველა ლექსი მელოდიური და განსაკუთრებული მუხტის მატარებელია. ამიტომ, მათ უმრავლესობას სპეციფიკური აქცენტებით წაკითხვა სჭირდება, რითმა, სიტყვათა წყობა და მელოდიური ხასიათი რომ არ დაიკარგოს და დანაწევრდეს. სასვენი ნიშნებიც ზოგიერთ ლექსში დასმულია ავტორისეული აქცენტების მიხედვით. იმისათვის, რომ ავტორისეულ აქცენტებსა და ინტონაციაზე წარმოდგენა შეგექმნათ, კრებულის პირველ ლექსს ქვემოთ დავურთეთ ვიდეოჩანაწერის ბმული (კითხულობს თავად ავტორი, შესაბამისი ინტონაციითა და აქცენტებით). მართალია, ელექტრონული გვერდიდან პირდაპირ ვიდეოჩანაწერზე ვერ გადახვალთ, მაგრამ თუკი ბმულის მისამართს "დააკოპირებთ“ და გუგლის საძიებო ველში ჩასვამთ, გადახვალთ ავტორის ფეისბუქ-გვერდზე და შეძლებთ მის მიერ გამოქვეყნებული ვიდეოჩანაწერის მოსმენას. წიგნის რედაქტორი გიორგი კეკელიძე. გამოსაცემად მოამზადეს ნინო ბაკურაძემ და მარეხ ბეჟანიშვილმა. ყდის დიზაინერი ანა ლიპარტელიანი.