სამყაროს პასტორალური გარინდება უმთავრესი კამერტონია, რომლითაც სოსო მეშველიანის პოეზია იწყება. მითოსისა და ცხადის, არქაულისა და თანამედროვეს უხილავ და სახიფათო საზღვართან მოხელთებულ ამ კამერტონსმოულონელი სიღრმე და სიმაღლე აქვს - ის ერთდროულად ნაცნობიცაა და უცხოც, მტკივნეულიც და შვებისმომგვრელიც. ის მძლავრი მუსიკაა, რომელსაც სიტყვის ბედისწერა განსაზღვრავს. სვნაური და ესპანური კულტურულ-ესთეტიკური ატმოსფერო ამ კრებულის მახასიათებელიცაა. ამ მონათესავე, თუმცა სრულიად განსხვავებული და თვითმყოფადი პოლუსების მერიდიანზე, ჩნდება ტექნოლოგიურ საიდუმლოთა ალყაში მოქცეული ადამიანის კონტურები. პოეტის ვნება ადამიანისთვის პოეზიის დაბრუნებაა. უზადო მხატვრული ოსტატობა, ვერსიფიკაციული დინამიკა და მედიტაციური აკუსტიკა ამ ვნების გამოხატულებაა. - ნინო სადღობელაშვილი