ელგუჯა მარღია არაერთი პოეტური კრებულის ავტორია და მათ შორის დღემდე გამოცემულია მისი რობაიების შვიდი წიგნი: ,,110 რობაი’’(2015 წ.) ,,ომარ ხაიამ, შეიწყალე, ჩემი რობაი!’’(2016 წ.) ,,საგანძურის რობაი და სხვა’’(2017 წ.) ,,დროის არითმია’’( 333 რობაი, 2017 წ.) ,,პიკარესკული ჟამის რობაიები’’(2019 წ.) ,, ქართული რობაიები’’( ბაქო, 2019 წ.აზერბაიჯანულად თარგმნა იმირ მამედლიმ); ,,ქართული რობაიები”(თბილისი, 2022წ. ორენოვანი გამოცემა; ინგლისურურად თარგმნა ციცი გაბესკირიამ) ელგუჯა მარღიას რობაიები ასევე თარგმნილია თურქულად და კავკასიელ ხალხთა რამდენიმე,კერძოდ ადიღურ(ჩერქეზულ), დარგუულ,ჩეჩნურ, ინგუშურ და ხუნძურ ენაზე; აღნიშნული თარგმანები დაბეჭდილია ჟურნალებსა და კრებულებში; 2019 წელს, ნოდარ დუმბაძის სახელობის მოზარდ მაყურებელთა თეატრში, ელგუჯა მარღიას რობაიების მიხედვით დაიდგა სპექტაკლი ,, ომარ ხაიამ, შეიწყალე ჩემი რობაი!”( რეჟისორი დიმიტრი ხვთისიაშვილი, იდეის ავტორი როსტომ ჩხეიძე, ინსცენირება იოსებ ჭუმბურიძისა) ამ კრებულში წარმოდგენილი ოთხსტრიქონედები 2019-2022 წლებში დაიწერა.