გუშინდელი დღისთვის, დღევანდელობა ის ალტერნატიული რეალობაა, რაშიც აბსოლუტურად ყველაფერი შეიძლება მოხდეს - ასეთ, ჩვენისთანა სამყაროში უწევს ზულეიხანას ცხოვრება, სადაც ყოველ ახალ დღეს, წინა დღესთან მხოლოდ ის კავშირიღა აქვს შემორჩენილი, რომ ზულეიხანი, ყველგან ზულეიხანია. ის სპარსი მებრძოლია, რომელიც აქემენიის მხარეს უშიშრად იბრძვის, მიდიელების წინააღმდეგ. სწორად რომ ბრძოლის ველზე გაუჩნდება მას კითხვები, თუ რისთვის აკეთებს ამ ყველაფერს, უპასუხოდ დარჩენილი კი იწყებს მოგზაურობას იმ სივრცეში, რომელიც არ ცნობს წლებს, მატერიას, სივრცეს და დროის ლოგიკურ ჯაჭვს. გზას ის სიცხადისკენ მიყავს, რომელშიც ყველაფერს პასუხი გაეცემა, თუ რატომ არის ზულეიხანი ერთ დღეს სპარსეთის მკვიდრი ჯარისკაცი, მეორე დღეს მოგზაური ბაიკერი, მესამე დღეს კი ისკარიოტელი, რომელსაც მესიის გაყიდვა უწევს. ეს მცირე რომანი ეძღვნება შესაძლებლობებით სავსე დღეებს, რომელიც, შეიძლება ყველაზე დიდი ტყუილი იყოს.