საქართველო და ქართველები (წიგნი I)

”საქართველო და ქართველები” აუდიო მოსასმენი წიგნია, რომელშიც მოთხრობილია ქართველთა პოლიტიკური თავგადასავალი უძველესი დროიდან მე-20 საუკუნის 90-იან წლებამდე - ასეთი შესავალი უძღვის წინ ახალ გამოცემას, რომლის ავტორები არიან ისტორიკოსები ზაზა აბაშიძე, მიხეილ ბახტაძე და ოთარ ჯანელიძე. წინათქმაში ავტორები მკითხველს იმასაც განუმარტავენ, რომ ახალი აღმოჩენების მოლოდინი არ უნდა ჰქონდეს, რადგან ყველაფერი, რაც წიგნშია გადმოცემული, ქართველ ისტორიკოსთა თაობების მიერ უკვე დიდი ხანია გამოკვლეულია და ახალი გამოცემაც სწორედ ამ ნაშრომებზე დაყრდნობით მომზადდა. მიუხედავად ამისა, ”საქართველო და ქართველები” თავისთავად სიახლეა, რადგან პოპლარულ ენაზე დაწერილი ისტორიაა, რომელიც უძველესი დროიდან მე-20 საუკუნის მიწურულამდე პერიოდს ასახავს. საქართველოს ისტორია არაერთხელ არაერთ მკვლევარს გადმოუცია, მაგრამ მხოლოდ ცალკეული ეპოქების მიხედვით, ”საქართველო და ქართველები”კი ყველა პერიოდისა და ისტორიული პიროვნების ერთად თავმოყრის პირველი მცდელობაა.