ალბათ ყველას ერთხელ მაინც გვიოცნებია, გვცოდნოდა წინასწარ რაიმე მოვლენის შესახებ ან შეგვძლებოდა უკვე განვლილი მომენტის შეცვლა, მაგრამ გვიფიქრია თუ არა, რა შედეგი მოჰყვებოდა ნებისმიერ ცვლილებას საბოლოო ჯამში ჩვენთვის? „ამბავი - მაგიური კალენდრის ისტორია“ ამაზე მოგვითხრობს. ნაწარმოებში ვხვდებით პერსონაჟს, რომლისთვისაც დამარცხება საკუთარი პიროვნების სინონიმი გახდა. ის ცხოვრებისეულ ფსკერზეა, მაგრამ შინაგანი ოპტიმიზმი არ აძლევს საშუალებას დაეცეს და ზუსტად ყველაზე დიდი იმედგაცურების შემდეგ ხდება მის ცხოვრებაში გარდამტეხი მომენტი, მთავარი გმირი პოულობს მაგიურ კალენდარს, რომელიც აძლევს შესაძლებლობას საკუთარ ნებაზე მართოს და შექმნას რეალობა, მაგრამ მოვლენათა მარადიული ჯაჭვის სწორი გაგრძელება არც ისე მარტივია. მას ძალაუფლების გონივრულად წარმართვაში თავად კალენდრის შემქმნელი, ვიქტორიანული ეპოქის იდუმალი გამომგონებელი, მესა ეხმარება. დროთა განმავლობაში მთავარი გმირი აღმოაჩენს, რომ მის ცხოვრებაში არცერთი მოვლენა ყოფილა შემთხვევითი და შესაძლებელია ის სინამდვილეში საკმარისად კარგიც კი იყო და ცხოვრებისეულ ფსკერზე არასდროს უნდა აღმოჩენილიყო.